غیر قانونی سرحد پار کرنا کوئی کھیل نہیں ہے! آپ مجرموں پر بھروسہ کر کے، جو آپ کے لیے پر سرحدوں کے آر پار نقل و حمل کا غیر قانونی انتظام کرتے ہیں، نہ صرف اپنی زندگی کو خطرے میں ڈالتے ہیں بلکہ ایسا کرنے سے قانون کی خلاف ورزی بھی کرتے ہیں۔ دوسرے ملک میں داخل ہونے کے متعلق بہت سے قوانین اور ضوابط ہیں– انسانی اسمگلروں پر یقین نہ کریں اگر وہ آپ کو بتائیں کہ یہ آسان اور خطرات سے خالی ہے۔ اگر آپ اپنے لیے مستقبل کے امکانات اور بہتر متبادل کے بارے میں قابل اعتماد معلومات میں دلچسپی رکھتے ہیں تو یہ ویب سائٹ دیکھیں: https://avrr-wb.com/

نہیں، یہ بالکل درست نہیں ہے۔ ایک ایسے شخص کے طور پر جو ظلم و ستم سے بین الاقوامی تحفظ کا خواہاں ہے، آپ اس ملک کا انتخاب نہیں کر سکتے جہاں پناہ کی کارروائی ہو۔ پہلا یورپی ملک جس میں آپ قدم رکھتے ہیں آپ کے سیاسی پناہ کا فیصلہ کرنے کا ذمہ دار ہے اور فیصلے کا انتظار کرنے کے لیے آپ کو اس ملک میں رہنا پڑے گا۔ اگر آپ کی درخواست مسترد کردی گئی ہو تو آپ کو گھر جانا پڑے گا اور کسی دوسرے یورپی ملک میں جانے کی اجازت نہیں ہو گی– اگر آپ ایسا کرنے کی کوشش کرتے ہیں تو آپ کی کامیابی کا امکان نہیں ہے۔ دیگر یورپی ممالک آپ کی درخواست پر دوسری مرتبہ غور نہیں کریں گے اور آپ کو ذمہ دار ملک واپس بھیج دیں گے۔

اپنی جان کو لاپرواہی سے خطرے میں نہ ڈالیں! حقیقت یہ ہے کہ غیر قانونی طور پر سرحدیں عبور کرنا بہت خطرناک ہے اور بہت سے لوگوں کو جسمانی اور ذہنی نقصان پہنچا ہے۔ بہت سے غیر قانونی تارکین وطن اسمگلروں کے ہاتھوں ہلاک ہو چکے ہیں۔ جھوٹی کہانیوں پر بھروسہ نہ کریں! غیر قانونی نقل مکانی اور انسانی اسمگلنگ سے نمٹنے اور ملکوں کی خودمختاری کے تحفظ کے لیے سرحدی چیکنگ بھی سخت کر دی گئی ہے۔